لعبه الاعترافات

انا لسه صاحيه من النوم يعني مالحقتش اعمل حاجه غلط كعادتي يعني زي كل يوم
ههههههههههههههههههه
بس اللي عملته امبارح غلط بقي اني عملت ان بطني بتوجعني عشان ماروحش مع ماما لأختي
وكدبت عليها ودا كله عشان أروح لصحبتي قولت ليها حد ياخد باله مني ياماما عشان ماقعدش في البيت لوحدي
وطبقت نظريه اتمسكن لحد ماتتمكن يعني
هههههههههههه
هااااااااااااااااااااااااااااا بقي مين بعدي

انا بردو لسه صاحى ومش لحقت اعمل حاجه غلط بس لسه هاعمل يعنى حاجات غلط كتير

بس امبارح بقى.
الحاج لغلط الى عملتها
ان فى واحد جارنا عنده شجره مانجه طلعت عليها وخلصت كل المانجه الى فيها مع العلم ان المانجه لسه مش استوت بس هى نصيبها كده بقى

اسكت اسكت بقي وطي صوتك لحسن نو لف تدخل وتسمع وتجيلك وتخلص المانجا اللي عندك كلها لأن دي مانجا مش اي حاجه يعني وهي بتموت في المانجا فا لو كنت مستغني عن المانجا اللي عندك بقي سمعها مش هتلاقي عندك ولا منجايه
هههههههههههههه
انا بقي الحاجه اللي عملتها غلط النهارده
وربنا يسامحني عليها بقي نولف النهارده شحنت ب 20 وانا فودا وهي فودا بردوا
قلبتها فيهم وسبت ليها 2 جنيه
بس هي ماكنش فيها ياعيني دماغ تزعق ولا تجري ورايا وتضربني زي الأول عشان كدا انا فرحان اوي جبت شحن من غير اي حاجه
هههههههههههههههههههههههه

ههههههههههههه
بس المانجه لسه مش استوته هتاكلها وهى نيه ولا ايه ههههههههههه

وبعدين انتا بتسمى حكايه الرصيد دى حاجه غلط دا هو دا الحاجه الوحيده الصح الى انا بعملها فى حياتى دا مخلص ليهم فى البيت على كل الرصيد لدرجه بقوا كلهم بيخبوا منى الموبيلات
اكل العيش بقى يمعلم

بالنسبه لظاظا انت ندل يابني
والله ساره وبندر اتصلوا امبارح ورصيدهم خلص وانا بقي عارفه انها شحنت بعشرين بس هي نسيت تقوللي انك قلبتها فيهم
بتصل لقيت الكمبيوتر بيكلمني ومش راضي يرن كل اللي كانوا قاعدين ضحكوا عليا وقالولي ايدك خضرا خلصتي الرصيد من غير ماتتكلمي
بس هتشوف بقي والله لهبقلشك بس لما اشوفك
ههههههههههههههههههههه
وبالنسبه لحكاية المانجا انت زعلان ان احنا قلبنا في 4 كيلو مش كدا بس وحياة ربنا نو لف مش كلت اي حاجه منها والله العائله الكريمه هي اللي كلتها واللي خلصها والله ندي فضلت تاكل منها كتييييييييييييييير وكمان ضربت 4 في الشنطه هههههههههه فا روح خد المانجا منها بقي
هههههههههه
والله نو لف مابقتش تحبها تقريبا من قرك عليها حتي نونا مامتها جايبه ليها في التلاجه ولا كأنها تعرف المانجا دي خالص ومش في دماغها
بالنسبه لأستاذ أسامه فا المانجا لو نيه زمان كانت هتاخدها برضوا تستني عليها شويه وهتاكلها بردوا المهم ان عندها مانجا اصلها كانت من عشاق المانجا بس مش عارفه ايه اللي حصل
الله يحرقك يا ظاظا قريت علي البت يخرب عقلك

بس ياساره وبندر أنتي كمان
انا بقي عملت حتة دين حركه غلط النهارده ايه جامده اوي
خليت نو لف وميمي قاعدين مع بعض النهارده الصبح بدري اوي ومش كانوا عارفين اني هاجي
وحتي لو جيت مش باجي بدري كدا
المهم دخلت وهما قاعدين علي السرير ومش واخدين بالهم روحت داخل تحت السرير وماسك رجل ميمي ونو لف
الأتنين سكتوا
ولما لقوا بعض سكتوا
ميمي قالت لنولف انتي حصلك نفس اللي حصلي
حركت دماغها فيما معناه اه يعني وانا شايف منظرهم من تحت السرير بقي وعمال اضحك علي شكلهم راحوا باصين تحت لقوني
راحوا بقي وبأعلي صوت يانوناااااااااااااااااااااااااااااااااااااااااااااااااااااااا
وانا هموت من الضحك الحقي في حرامي
وفي الأخر طلعت بالمخدات وفي وشي اضربت علقه تمام
بس انا عارف ان الخضه ممكن تموت يعني ودي حاجه غلط جدا
بس صراحه كنت عايز اخلص من ميمي
نو لف غلبانه وطيبه ومش بترخم
لا كن ميمي تستاهل الحرق
هههههههههههههههههههههه
دا اللي عملته غلط النهارده
يعني مش غلط اوي بس حلو يعني وخدت جزائي

هههههههههههههههههههههههههههههههههههههههههههههه
لا بجد جامد
انا متخيل الموقف اصلا

هههههههههههههههه
جامد يابت والله
بس والله هو يستاهل
انا بقي ماعملتش حاجه غلط النهارده خالص لأني لسه صاحيه دلوقتي
امبارح بقي دخلت انا وقرايبي في البحر في الغريق خالص وابعد شويه
وغرقنا فعلا بقيت انا أخلي قريبتي تحت الميه واضغط علي دماغها واطلع انا اتنفس
ههههههههههههههههههه
كان شكلي بيئه اوي
واللي أنقذني وانا ماسكه فيه قعدت اضحك ضحك هيستريا ضحك فظيع بجد وهو قاللي انتي بتضحكي انتي فرحانه انك غرقتي ولا ايه
هههههههههههههههههههههه
بقيت كل ما افتكر الموقف اضحك بشكل فظيع ياريتك كنتي معايا يا نولف
وهي يا عيني طالعه مسورقه من الميه اللي شربتها انا بقي الحمد لله طالعه علي رجلي
بس ميدو ابن خالو الندل شافنا واحنا بنغرق مش يجي ينقذنا بالعوامه لا دا سبنا وجري
فا فعلا الغريق بيغرق اللي حواليه والغلط بجد اني غرقتها يعني ماهي كمان نفسها تعيش زيي
بس بجد إحساس الموت دا صعب اوي بتفكر في حاجات كتير اوي ساعتها
يلا ربنا يستر بقي
فا دا اللي عملته غلط أمبارح

هههههههههههه
الله يرحم لما كنتي بتتريقي وتقوليلي ازاي بتشربي كدا قدام الناس وكمان بتشربي وانتي ماشيه ازاي
ههههههههههه
انا بقي يومي كله كان غلط وزعلت ناس كتير مني اوي النهارده
بس والله بحسن نيه مش قصدت
يعني مخليه حد بيسلم علي انتيمتي النهارده وانا بغير عليها جدا من اي حد بطبيعتي لأني برجي العقرب يعني
روحت مسلمه علي اللي جت سلمت عليها دي وكسرتلها ايدها
وكلمتها بقرف وعصبتها وخليتها مشيت
وانتمتي زعلت بس والله كان بحسن نيه
اتمني انتمتي دي ماتزعلش
ولا اكون زعلت اي حد ولسه زعلان بس بجد بحسن نيه والله

ههههههههههههههههه
قصدك علي سيسو لا عادي يابنتي دي مننا وعلينا
لا بس اصلي يا نو لف
وعلي فكره يا ميمي انا والبرنس اسامه اتفقنا اننا ندخلك معانا في حكاية الفضايح دي
تنفعي اوي
والله احنا فاضحين وظالمين 2 معانا هنا
yalan7eb & no love after now
يلا بقي ربنا يستر ومش ينتحروا بسببنا
الغلط بقي اللي انا عملته النهارده
خلية ابن عمي نايم جنبي وايه شاحن ب 50 عشان يكلم المزه بقي وبتاع
وهايص ومستني النهار يطلع عشان يكلمها
المهم خليته نام وحولت منه كل الفلوس وسبت ليه 2 جنيه اكراميه يعني
صحي وفعلا اتصل عليها وفجأه الوليه اللي بتيجي دي
قالتله أخر دقيقه
قفل معاها وجالي بقي ومسك الموبيل وشاف الرصيد
بيقولي أحمد انت ماكنش معاك غير 20 قرش وبعت بيهم رساله لنولف امبارح
ازاي بقي بقي معاك 45 جنيه و 60 قرش بقي
قلتله اصل رصيدك جالي
قاللي ازاي وليه بقدرة قادر كدا جالك يقولك خدني والنبي
قولتله اه انت زي ماتكون كنت معانا بالظبط
اه ياعفريت انت اللي مصلته
قاللي اه مصلته اه
وبالعصايه ودب
وجرينا زي الهبل في الشارع بس كان تمام يعني
ومارضتش اديهمله بس انا كمان عايز اكلم المزه
واول ما اشحن تاني هبقي اديهمله بقي
وحياة عمو زحلف اللي عمره مابيحلف
فهماني يا نولف طبعا
فا دا الغلط الوحيد اللي عملته من امبارح للنهارده

انا بقى الغلط الى عملتله انهارده الفجر كنت ماشى فى الشارع انا وواحد صحبى
وفضلنا نخبط على كل البيوت الى فى الشارع ونرن الجرس بتاعهم وبعدين جرينا واستخبنا
والناس بقى كلها طلعت من الشبابيك وعماله تقول مين مين

ههههههههههههههه
ياحول العالم
طيب ليه كدا بس ياعم
كويس انكم ماروحتوش علي المفتش كرومبو مش اللي بيجي في التلفزيون لا دا حد تاني خالص
والحد دا فاهمني طبعا
كان هيفضل يبحث ويفتش ويدور وحاجات غريبه يعني
بس يارتني كنت معاكم
بس هفكر أقلدك وأعمل زيك بس في ناس مضايقني هعملها معاهم
لا بس بجد اصلي يابرنس

هههههههههههههههههههههههههههه
يعنى تخيل كده لما تكون نايم وغرقان نوم وفجاءه جرس البيت يرن
..تقوم غصب عنك علشان تشوف مين
...........................................مش تلاقى حد فى الاخر
هههههههههههههههههههه
والحد ده شكلى كد اا عرفه انا كمان
وربنا يحفظنا

انا بقي عملت ايه مقلب جامد بس غلط خاااااااااااااالص بس كان امبارح بليل بقي
خدت غلاف الأسطوانه اللي نو لف مش رضيت تدهولي وروحت عامل واحد زيه عند نت الباشا عند صاحبي
وخدت الأصلي لأني كنت بتحايل عليها وهي مش رضيت بس كان بصراحه عندها حق عشان عليه قرأن وانا مش بحافظ علي الحاجه
بدلته يعني بس والله هرجعه تاني وهحرق بقي اللي معايا او اديه لحبيبتي عشان هي بتحافظ علي الحاجه زي نو لف
فا دا اللي عملته غلط النهارده وهي ياعيني عماله تقول في حاجه غلط في الغلاق دا وانا بقي هموت من الضحك بس مش قادر أتكلم
بس نفس الطبعه بس مهزوزه شويه
يارب ما اضربش بقي لما هي تعرف
ربنا يستر

ههههههههههههههههههههه
دي لو عرفت هتبقلشك ياظاظا
كويس انها ماشفتش كلامك
أنا بقي ماعملتش حاجه كبيره اوي يعني
بابا قاعد ليل ونهار جايبلي قنوات الأفلام الأجنبي وانا مابحبهاش لأني مابلحقش أقرا كلماتها
المهم عملت ايه انا بقي
خليته دخل الأوضه شويه بيعمل حاجه وروحت قالبه علي قناه فاصله وقولتله بابا الدش فصل قاللي يادي النيله انا هنام بقي ياميمي قولتله ماشي
وسمعت انا اللي عيزاه بقي
فا دا اللي عملته غلط النهارده
ربنا يسامحني بقي