في الموضوع ده كنت عايز أتكلم عن أهمية الأنترنت كوسيلة سريعة للإنتشار
وطبعاً نجم الحلقة معانا "تامر حسني", تامر لما طلع مع شيرين محدش أنكر إنه مغني موهوب وصوته جميل وكانت بدايته من عام 2002, طبعاً في ناس بتدعي إنه كان بيغني من قبل كده لكن عموماً كل الناس أتعرفت بتامر سنة 2002 والدليل إن مكنش حد يعرفه قبلها.
بعدين إختفى تامر لمدة عامين وفاجيء الجمهور بشريط حب, ولاقى نجاح وكان يمكن من أحلى شرايطه حتى الآن, وكمان ظهوره في فيلم حالة حب أظهره للناس أكتر على الرغم من أداؤه الضعيف جداً في الفيلم.
وبعد عام ظهر في فيلمه التاني وهو سيد العاطفي, الي يمكن كان أكر حاجه تجذب ليه في الفيلم أغنية "يا نور عيني", والفيلم ده كان بداية حركة إنتشار لتامر لأنه قرر وقتها إنه يلف الجمهورية كلها ويحضر العرض مع الجماهير لأغراض دعائية, بس الفيلم كان أقل ما يوصف بيه إنه سخيف وأداء تامر جاء ضعيفاً ولا يضحك بالمرة بالإضافة إلى الظهور في البرامج لزوم "الحركات السيس".
وفي عام 2006 جائت قنبلتين لتامر حسني وهما شريطيه الجديد وتزامن دخوله السجن في نفس الوقت, ومن هنا بدأت تساؤلات الناس عن المطرب وعن جريمته في كل مكان, ومن ناحية أخرى استغل مديري أعماله الحدث للترويج عن تامر حسني على الإنترنت وعمل حملات غرضها إبراز شهرة تامر على الصعيد الفني وكان غرضها الأول تخفيف الحكم على تامر أو براءته, والحكم طبعاً جه بالتخفيف لأن مفيش حد بيزور وبيهرب من الجيش وبياخد سنه مع إيقاف الحكم!!
من عام 2006 تم تدشين موقع تامر حسني الرسمي الي طالبوا فيه بإخلاء سبيل المتهم, لأنه "أمور ورومانسي" ومن هنا كانت إطلاقه تامر السريعة على الأنترنت, ودخوله السجن مطرباً وخروجه منه "ملك الجيل", ده التطور الطبيعي للهيافة وقلة الأدب والذوق فعلاً, وطبعاً الصحافة كتر خيرها كبرت وعلت فيه.
ومن بعد خروج تامر عام 2007, ظهر قبلها في أوبريت 6 أكتوبر لعام 2006 "ده لأنه وطني ويستاهل كل خير", ومن هنا تامر بدأ ميحرمش جمهوره على النت من أي حاجه, ظهر بفيلم عمرو وسلمى (الى هو الحاجه الوحيده العدله الى عمله وبجد الفيلم عاجبنى) تزامناً مع شريطه الجديد يا بنت الإيه مع عدد غير محدود من السينجلات وفي كل مناسبة, عيد الحب عيد الأم عيد الأب عيد العمال ورمضان وكله.
كان عايز يثبت نفسه إنه المطرب الشامل والكامل وميعرفش إن الكمال لله وحده والدليل إن أعماله تفشل وراء الأخرى, ولو في قلة مقتنعة بعكس هذا, فده هو تأثير دعاية الإعلام والأنترنت المزيفة الي بتملي عقولهم بالي عايزين يقتنعوا بيه
رصيد تامر الفني حالياً
5 ألبومات و 2 ألبوم مشترك في فري مكس و 4 أفلام وما يفوق عن 60 سينجل وصفر كبير في قلوب الناس المحترمه والى بتفهم فعلا فى الفن م العيال الهياف دول
ومن ناحية تانية, شيرين .. رفيقة دربة وعشان كده بقارنها بيه لأن تامر مينفعش أقارنه بحد أقدم منه طبعاً, ولا عملت نص الي تامر بيعمله, هو فيلم واحد بس كان لذيذ جداً مع أحمد حلمي و 4 ألبومات غير 2 مشتركين مع فري مكس وملهاش نفس إنتشار تامر الواسع على الإنترنت بس ليها شعبية ومكانه تفوق مكانه تامر عند الناس عشرات المرات
(مع احترامى لاحد شخص ده رائى)
موضوع: نجوم إبتدوا من الصفر ونجوم إبتدوا من النت!! 
الإثنين أغسطس 10, 2009 4:15 pm
